|
|
FAQ ( pregunta hasi ku frekuensia)
Algun pregunta general
- Kiko ta e kousanan di pèrdida di bista?
- Kua ta e mihó manera pa anda ku persona ku desabilidat visual?
- Unda mi por haña informashon tokante desabilidat visual?
- Unda por haña produkto auksiliar?
- Kon mi por tèst mi wowonan?
- Kon mi por sa si mi tin problema ku wowo?
- Ki tipo di enfermedat di wowo tin?
- Di ki manera kòmpiuter por yuda?
- Kua ta e organisashonnan ku ta duna yudansa?
- Kon ami mes por yuda?
Tokante Fundashon Pro Bista
- Kon Fundashon Pro Bista por yudabo?
- Ki sorto di produkto auksiliar Fundashon Pro Bista ta usa?
- Kua ta e servisionan ku Fundashon Pro Bista ta ofresé?
- Unda Centro Fundashon Pro Bista ta keda?
- Kon mi por yuda Fundashon Pro Bista?
- Kon mi por hasi un donashon?
Kiko ta e kousanan di pèrdida di bista?
Tin diferente kousa, entre otro di aksidente te bistimentu di lente. Hopi be e kousa
ta enfermedat di wowo, ku generalmente ta surgi na edat mas altu. Hende ku ta sufri di suku tin hopi chèns ku haña problema ku bista. Lente shushi por kousa infekshon ku por hende haña problema ku bista. Wowo ta masha vulnerabel. Paga tinu pa no mishi ku bo wowo ku man shushi.
Kua ta e mihó manera pa anda ku persona ku desabilidat visual?
Ta eksigí tempu i pasenshi pa siña kon anda ku persona ku desabilidat visual. Ta dependé di motivashon i boluntat pa yuda otro. Mas ke un persona ku desabilidat visual ke tin un grado altu di independensia, tòg semper e tin nesesidat di un hende pa gui’é. Duna un siñal ora bo drenta serka un persona ku desabilidat visual, òf ora sali bai. Laga e persona sa si bo ke dun’é algu den su man, òf si bo ta pone algu su dilanti. Si bo ta kana ku un hende ku desabilidat visual, splik’é unda bo sa ta pasa i kiko tin den kaminda. Pa mas primi riba "konseho."
Unda mi por haña informashon tokante desabilidat visual?
Pa haña mas informashon por primi riba "oogziekten"i riba algun otro entrada, ku ta guiabo pa diferente websites. Si bo ke haña informashon tokante Pro Bista bo por yama nos òf traha un sita pa un guia den sentro.
Unda por haña produkto auksiliar? ?
Na fundashon Pro Bista por kumpra diferente tipo di produkto auksiliar.
Primi aki pas informashon tokante produkto auksiliar
Kon mi por tèst mi wowonan?
Bo por siña kon bo ta tèst bo wowonan na e entrada "doe de test". Bo por kopia e página aki i hasi e tèst bo mes. Sigui e instrukshonnan bon i di tal manera bo ta tèst bo wowonan.
Kon mi por sa si mi tin problema ku wowo?
Si resultado di bo tèst no ta kuadra ku esun di e website, ta rekomendabel pa laga un okulista tèst bo wowonan.
Ki tipo di enfermedat di wowo tin?
Tin diferente tipo di enfermedat di wowo. Na e entrada di enfermedat di wowo bo por haña informashon, tambe tokante kousa di enfermedat di wowo i konsekuensia di esei. Ei bo por haña informashon tambe kon anda ku un desabilidat visual.
Di ki manera kòmpiuter por yuda?
Awendia kòmpiuter ta di gran balor pa hende, ke men tambe pa persona ku desabilidat visual. Si bo tin un desabilidat visual, bo por hasi un tèst di wowo via kòmpiuter, buska informashon i drenta den kontakto ku persona ku ta atendé asuntu relashoná ku desabilidat visual. Na Fundashon Pro Bista nos klientenan ta siña traha ku kòmpiuter. Entre otro nan ta siña manda mensahe, buska informashon via internèt in traha dokumento ku e programa di word.
Kua ta e organisashonnan ku ta duna yudansa?
Banda di Fundashon Pro bista tin mas organisashon ku ta duna yudansa na persona ku desabilidat visual. Pro bista ta kooperá ku e instansianan akí. Pa yudansa di revalidashon, Pro Bista ta e instansia indiká pa akudí n’e.
Kon ami mes por yuda?
Bo por ofresé Pro Bista bo yudansa, sea si bo tin un desabilidat visual òf nò. Esaki bo por hasi na diferente manera. Komo boluntario bo por siña anda ku persona ku desabilidat visual. Bo por siña nan hasi diferente aktividat: regla bo kas, tene limpi , prepará kuminda , lesa buki i korant. Asina bo ta pasa informashon i eksperensia pa e persona ku desabilidat visual. Si bo ke hasi un donashon, primi kontakto.
Tokante Fundashon Pro Bista
Kon Fundashon Pro Bista por yudabo?
Fundashon Pro Bista por dunabo informashon i konseho relashoná ku desabilidat visual. Regularmente nos ta duna gruponan di studiante informashon i splikashon tokante e manera ku Pro Bista ta Funshoná. Si bo konosé un persona ku un desabilidat visual bo por konseh’é pa e bini serka nos.
Ki sorto di produkto auksiliar Fundashon Pro Bista ta usa?
Pro Bista ta hasi hasi uso di diferente Produkto auksiliar.
Komo produkto auksiliar tin entre otro: Primi aki
Producto auksiliar.
* Garotti * braille domino
* spraak en braille horloges * talking food cans
* sprekende wekker alarmklokken * accesoires voor het dagelijkse leven
* solar shield brillen * rolmaat in braille
* glow tapes * powerlens cellfone, loep
* labeling / scanners * aangepaste keukengerei
* sensory products * plastic labels
* orientatie producten * color mates for easy clothing
Kua ta e servisionan ku Fundashon Pro Bista ta ofresé?
Fundashon Pro Bista ta duna servisio riba tereno di : Revalidashon, konseho, ayudo sosial, informashon i entrenamentu di ICT. E entrenamentunan akí por sirbi komo base pa e kliente haña un trabou.
Unda Centro Fundashon Pro Bista ta keda?
Fundashon Pro Bista ta keda na Corrieweg 16.
Primi aki pa un plano.
Kon mi por yuda Fundashon Pro Bista?
Bo por hasi esaki pa medio di un donashon den forma di plaka, produkto auksiliar òf otro tipo di produkto.Tambe bo por ofresé bo servisio komo boluntario.
Kon mi por hasi un donashon?
Primi riba kontakto pa bo haña sa kon bo por hasi un donashon.
|
|
 |
|